Faktisk er det analysert ein del surfôrprøver med >800 g TS per kg, men i denne oversikten er desse prøvene ikkje med. Ettersom det blir mindre gjæring når det er lite vatn, ser ein også ein del høge pH-verdiar. Di høgare TS-innhaldet er, di høgare pH kan tolast utan at det går ut over kvaliteten. Dei som har fått analysesvar med > 60% TS bør ta ein ekstra kikk på analyseverdiane og vurdere om dei er fornuftige ut frå kjent slåttetidspunkt, botanisk samansetjing og slik ein hugsar enga ved hausting. Kalibreringsgrunnlaget for NIRS-analysane er svakare for prøver med ekstreme TS-verdiar enn for surfôr med normalt TS-innhald. Diskutér gjerne analysane med din lokale rådgivar, og ta kontakt med laboratoriet dersom de saman meiner noko må være feil.
Ettersom fiberinnhaldet (NDF) faktisk er lågare enn i normalår (500 g mot normal gjennomsnitt 550 g kg TS), kan det verke rart at energiverdiane ikkje er høgare. Forklaringa er at ein stor del av NDF-fraksjonen er ufordøyeleg (19%, resultat ikkje vist). «Vinnaren» i kommunestatistikken så langt er Ørlandet med 6,21 MJ NEL (=0,88 FEm) per kg TS.
Statistikken skil ikkje mellom prøver tatt frå skifte med to- eller treslåttsystem. No i oktober, vil statistikken for Trøndelag under eitt være ei god blanding. Sjøl om to- og treslåttsystem kan bli praktisert side om side innom same kommune og på eitt og same bruk, gir likevel kommunestatistikken eit meir einsarta bilde. I Oppdal og Rennebu er truleg alle prøvene frå to-slåttsystem, medan det i kystkommunane og i bygdene rundt Trondheimsfjorden kan være overvekt av treslåttsystem. Her er ikkje statistikken for andreslåtten på kommunenivå teke med, men den kan du få hos din lokale rådgjevar. Ny tilstandsrapport her i Fagnytt kjem så snart vi får nye oppdateringar frå TINE. Da venter vi også å få med resultat frå tredjeslåtten.
Kvalitet av førsteslått (surfôr) i Trøndelag pr 12 oktober 2018 (i alt 647 prøver analysert)
TS, g/kg | Råprotein g/kg TS | NDF g/kg TS | Sukker g/kg TS | pH | NEL20, MJ/ kg TS | AAT20 g/kg TS | PBV20 g/kg TS | |
Middel | 336 | 150 | 507 | 59 | 4,5 | 5,98 | 79 | 29 |
Min | 196 | 71 | 380 | 6 | 3,8 | 4,48 | 62 | -48 |
Max | 800 | 233 | 624 | 185 | 6,0 | 6,80 | 90 | 109 |
Kvalitet av andreslått surfôr i Trøndelag pr 12 oktober 2018 (i alt 326 prøver analysert)
TS, g/kg | Råprotein g/kg TS | NDF g/kg TS | Sukker g/kg TS | pH | NEL20, MJ/ kg TS | AAT20 g/kg TS | PBV20 g/kg TS | |
Middel | 355 | 150 | 500 | 53 | 4,5 | 5,80 | 78 | 31 |
Min | 162 | 61 | 397 | 3 | 3,6 | 4,85 | 65 | -46 |
Max | 780 | 227 | 589 | 179 | 6,5 | 6,64 | 96 | 98 |
Kvalitet av førsteslått på kommunenivå.Middelverdiar. Resultata for kommunar med < 10 prøver er slått saman med andre kommunar der det er naturleg, eller dei er utelate.
TS, g/kg | Råprotein g/kg TS | NDF g/kg TS | Sukker g/kg TS | NEL20 MJ/kg TS | AAT20 g/kg TS | PBV20 g/kg TS | |
Vikna, Nærøy, Leka (n=26) | 343 | 138 | 502 | 55 | 5,76 | 77 | 21 |
Overhalla, Grong og Høylandet (n=15) | 312 | 149 | 493 | 56 | 5,88 | 79 | 28 |
Namdalseid (n=27) | 359 | 148 | 490 | 59 | 6,05 | 79 | 28 |
Steinkjer (n=32) | 369 | 146 | 506 | 53 | 5,99 | 79 | 25 |
Inderøy (n=17) | 337 | 146 | 490 | 59 | 6,05 | 78 | 27 |
Verdal (n=27) | 309 | 154 | 504 | 35 | 5,70 | 77 | 36 |
Levanger (n=57) | 357 | 147 | 514 | 46 | 6,00 | 79 | 27 |
Midtre Gauldal (n=44) | 379 | 146 | 497 | 73 | 5,93 | 80 | 25 |
Meldal og Rennebu (n=21) | 352 | 151 | 525 | 70 | 5,97 | 81 | 28 |
Selbu (n=24) | 311 | 155 | 507 | 36 | 5,93 | 79 | 35 |
Stjørdal (n=15) | 344 | 143 | 541 | 44 | 5,78 | 78 | 24 |
Orkdal (n=17) | 350 | 162 | 507 | 76 | 6,12 | 82 | 36 |
Hemne (n=14) | 327 | 169 | 485 | 63 | 6,18 | 81 | 45 |
Ørlandet (n=20) | 286 | 159 | 500 | 57 | 6,21 | 80 | 37 |
Åfjord (n=47) | 281 | 151 | 523 | 59 | 6,00 | 79 | 30 |
Osen (n=16) | 294 | 166 | 502 | 65 | 6,18 | 80 | 42 |
