Er du interessert i kulturlandskap, biologisk mangfald og bevaring av naturbeitemarker? Bli med på dette faglege webinaret der John Bjarne Jordal (seniorrådgjevar i Miljøfaglig Utredning), ekspert på kulturlandskap og beitemarkssopp, deler av sin omfattande kunnskap og erfaring.
Tema blir også den nye gjødselbruksforskrifta, og korleis ho kan påverke artsmangfaldet i innmarksbeitene. Det blir også gitt litt informasjon om tilskotsordningane.
- 19- 19.10 Velkomen og kort introduksjon. Lena Abel, NLR
- 19.10- 19.55 Kva er naturbeitemark, og kvifor er ho viktig? John Bjarne Jordal, Miljøfaglig Utredning
- Artsmangfald og naturverdiar i beitemarkene
- Beitebruk og påverknad på vegetasjonen
- Utfordringar og moglegheiter for bevaring
- Beitemarkssopp
- 19.55- 20.05 Gjødsling av innmarksbeite/ ny gjødselbruksforskrift. Lena Abel, NLR
- 20.05-20.15 Tilskotsordningar. Solveig Kalvø Roald, Statsforvaltaren i Vestland
- 20.15-20.30 Spørsmål og diskusjon.
Webinaret er gratis, men krev påmelding
Webinaret blir tatt opp og vi sender ut opptaket til alle påmelde i etterkant.
Foto: MFU
"John Bjarne har spisskompetanse på kulturlandskap og beitemarkssopp og har elles lang og omfattande arbeidserfaring innanfor fagfeltet biologisk mangfald, inkludert naturtypar på land, i ferskvatn og i fjøra, samt kartlegging av artar innanfor gruppene fugl, karplantar, lav, mosar, sopp og delvis insekt. Registreringane har mellom anna vore gjennomførte i samband med naturtypekartlegging, konsekvensutgreiingar og andre kartleggingsarbeid.
I tillegg har han delteke i ei rekkje prosessar med metodeutvikling og FoU innanfor naturmangfald, både for inndeling av natur, verdsetjing av natur, vurdering av påverknader, og ikkje minst forholdet mellom naturtypar og artar."
