Autorisasjonskurs plantevern: Del 1 -… | Norsk Landbruksrådgiving

Vi inviterer til autorisasjonskurs plantevern del 1, eit digitalt kurs på Teams for deg som skal fornye beviset, og første del for deg som tek kurset for første gang.

Kurset går over to kveldar, og du må delta begge kveldar for å få godkjent kurs.

På dette kurset vert det vist til eksempel frå frukt- og bærdyrking, men kurset er også ope for andre.

Om du treng å kjøpe teoriboka, er her lenkjer til å bestille den:

Grunnbok/teoribok: Adlibris - norli - Ark bokhandel

Arbeidsbok (valfri): Adlibris - norli - Ark bokhandel

Det vert arrangert eksamen på lokale landbrukskontor for dei som berre skal fornye. Dei som skal ta eksamen for første gang må i tillegg ta ein praksisdag som blir avslutta med eksamen.

Pris: Medlem kr 2300,-/andre kr 3450,-

Lurer du på kva kurs du må ha? Her er ei kort oppsummering

Kurs for deg som skal ta autorisasjonsbevis for første gang:

Del 1 (Teori 6 timar)
Del 2 (Praksis 6 timar)
Eksamen (1 time)

Kurs for deg som skal fornye beviset:

Del 1 (Teori 6 t)
Eksamen (1 time)

Informasjon om kurset

For å kunne kjøpe og bruke plantevernmiddel må du ha autorsasjonsbevis for kjøp og bruk av plantevernmiddel.

Har du teke kurset før, må du fornye autorisasjonen din kvart tiande år ved å ta eit fornyingskurs.

Fornyingskurset er ein teoridag og eksamen.

Ordninga gjeld alle som brukar plantevernmiddel, for eksempel bønder, gartnarar og skogbrukarar. Tilsette i bedrifter, skular og offentleg verksemd som brukar eller sel plantevernmiddel. Er du i tvil om du kan få beviset, ta kontakt med kommunen før kursstart. Det er landbruksforvaltninga i kommunen som avgjer kven som kan få autorisasjon. Hobbydyrkarar får ikke autorisasjon.

Ver merksam på at det ikkje er nok å gjennomføre autorisasjonskurset og bestå eksamen. Du må også ha rett til autorisasjon i ditt yrke. Sjå oversikt over kva yrke som kan få autorisasjon:

Mattilsynet - kven kan få autorisasjon?

Innhald i kurset

Lærebok/pensum til kurset

«Handtering og bruk av plantevernmidler», både grunnbok, og evt. arbeidsbok.
Det har vore mange endringar i lovverket etter 2015. Det er viktig at du får oversikt over alle endringane. Følg linken under og bruk dette som innstikk i grunnboka: Link til innstikk.

Andre nyttige linkar:

Mattilsynet - Kursmateriell til autorisasjonskurs for bruk av plantevernmidler.

Låne digital grunnbok og arbeidsbok. Det er gratis hos:

Nationalbiblioteket.

Du kan bestille bok hjå:

Adlibris, Fagbokforlaget og Ark.

Pris kan variere, så lurt å sjekke før bestilling. Lån gjerne bok fra nokon som har, men hugs innstikket som seier noko om reglane akkurat no. Elles ligg det meste av litteraturen på nettet.