Strandsvingel er ein grasart som blir nytta ein del i våre naboland. I Sverige har det vore gjennomført fôringsforsøk med mjølkekyr. Interessa for arten er aukande i Noreg. Strandsvingel er rekna som forholdsvis tørkesterk.
I 2017 vart det lagt ut eit forsøksfelt hos Blindheim Samdrift på Vigra. Feltet vart forsøkshausta i 2018 og 2019. Det vart hausta 11 forsøksfelt i denne serien i 2019. Felteigar er NIBIO. Felta låg i Trøndelag, på Vestlandet og på Austlandet. Resultat frå feltet på Vigra er vist i Tabell 1. Her er også eit samandrag frå andre engår i 11 forsøksfelt.
Tabell 1. Avling første og andre engår i feltet på Vigra, i kg tørrstoff per dekar. Tala er gjennomsnitt for tre haustingar og to gjentak.
Art | Sort | 1. engår, kg tst./daa | 2. engår, kg tst./daa | 11 felt 2. engår kg tst./daa |
Strandsvingel | Kora | 1245 | 1384 a | 1306 a |
Strandsvingel | Swaj | 1235 | 1293 ab | 1257 ab |
Engsvingel | Vestar | 1020 | 1051 cd | 1012 d |
Strandsvingel + timotei | Kora + Liljeros | 1013 | 1157 bc | 1216 bc |
Strandsvingel + timotei | Swaj + Liljeros | 946 | 1151 bc | 1180 c |
Timotei | Liljeros | 935 | 877 d | 1107 d |
Timotei + engsvingel | Liljeros + Vestar | 922 | 1052 cd | 1175 c |
Timotei | Grindstad | 897 | 888 d | 1099 d |
Bladfaks | Leif | 871 | 936 d | 1068 de |
LSD5% | 112 | Sign. | Sign. |
Resultat
Dei to sortane av strandsvingel har gitt høgare avling enn dei andre artane i andre engår. Dette gjeld både i feltet på Vigra, og i gjennomsnitt for dei 11 forsøksfelta som er med. Det er likevel samspel mellom artar og sortar, og felt. I område med lang, kald vinter, har strandsingelsortane vakse dårlegare. Det var forholdsvis tørre forhold ved såing på Vigra i 2017, og i juli 2018. Det var teikn til litt tørkestress ved 2. slått.
Strandsvingelsortane hadde høgast avling i alle tre slåttane på Vigra.
Timoteien har gitt forholdsvis låg avling i feltet på Vigra i andre engår. Dette skuldast delvis beiting av hjort. I stor grad har dyra beita på timoteirutene, og late dei andre rutene stå i fred!
Det vart teke fôrprøver frå alle slåttar i 2. engår. Forsøka skal haustast i tre engår.
Feltet på Voss er førebels hausta i eitt år. Også i dette feltet har strandsvingelsortane hevda seg godt.
![Forsoksmelding 2019](https://www.nlr.no/media/news/vest/2020/_688xAUTO_fit_center-center_82_none_ns/forsoksmelding-2019.jpg?c=20211201012346)