- Ein kortversjon
Høymola er og blir det ugraset folk har mest fokus på. Det er også det ugraset vi er garantert ein evig kamp mot. Det er derimot ikkje sikkert at høymola er det mest skadelege ugraset når det gjeld avlingstap ute på bøen? Då kan fort den meir usynlege tunrappen vere verre, og ikkje minst hjorten…
Vi skriv om høymolekamp kvart år, gjerne fleire gonger for sesongen. Her kjem ein kortfatta versjon som kan hjelpe deg å velje rett kjemisk middel. Det er aktuelt å sprøyte mot høymole no etter 1. slått, eller etter 2. eller 3. slått.
Utan kløver: |
Siste bruksdato pr. sesong |
Pris pr. daa, ca. |
Beh.frist |
Avstand til vatn |
Flurostar 200 |
31. juli |
50 kr |
7 d |
10 m |
Tomahawk 200 |
31.august |
50 kr |
7 d |
3 m |
Starane XL og Cleave |
Heile sesongen |
50 kr |
7 d |
5 m |
Duplosan Super |
Heile sesongen |
80 kr |
21d |
3 m |
Med kløver: |
||||
Gratil 75 WG + klebemiddel |
Heile sesongen |
80 kr |
7 d |
3 m |
Andre?
Banvel reknar vi er for dyrt å bruke til breisprøyting. Mekoprop reknar vi har dårlegare effekt enn dei andre på grunn av redusert lovleg dosering. Harmony 50 er tøft mot graset, den frårår vi til breisprøyting i sesongen. Mot høymole i attlegg er Gratil aktuelt saman med MCPA (Agroxone).
Sjekk enga på ettersommaren!
Vi høyrer stadig at i «I år er det eit skikkeleg høymoleår». Dvs. vi høyrer det kanskje kvart år, nett som det skulle vere ei overrasking! Dei høymolene du ser om våren og ved 1. slåtten, og som kjem opp som store plantar med stengel, var der også i fjor haust. Høymole som spirer frå frø i enga utover sommaren vil vi sjå med bladverk utover ettersommaren. Den er forholdsvis usynleg på avstand. Difor er det lurt å ta ein runde for å sjekke tilstanden i haust, og evt. setje inn tiltak då. Då er det ikkje sikkert at det blir «eit høymoleår» neste år!
Ta kontakt med ein NLR-rådgjevar om du vil diskutere eller ha besøk
